Fjölmargir reynt hafa við þessa leið
En brekkan er hál, brött og beygð
Og komast þeir aldrei á skeið.
En við getum allt
Og með mér þú skalt
Lifa þúsundfalt.

Langt kemst ég aldrei aðstoðarlaust
Því bið ég um hönd þína og traust.
Við yfirgefum þetta naust.
Sestu upp í minn bíl
Kveðjum þennan skríl
Og breytum um stíl.

Ég er á leiðinni
Það verður að gerast í kvöld
Ég er á leiðinni
Það verður að gerast í kvöld
Það verður að gerast í kvöld
Við verðum að gera þetta í kvöld

Í morgunroðanum munum við
Fá laun fyrir alla okkar bið
Er líf okkar loks fer á skrið
Og við fáum bætt
Allt sem okkar ætt
Hefur frá okkur rænt

Í kvöld við kveðjum heimilisskaut
Og hverfum á blánýja braut
Og sigrumst á þessari þraut
Og þá muntu sjá að þú engum ert háð
Nema þinni þrá.

Ég er á leiðinni
Það verður að gerast í kvöld
Ég er á leiðinni
Við verðum að gera þetta í kvöld
Við verðum að gera þetta í kvöld
Við verðum að gera þetta í kvöld
Öðlast aftur okkar völd
Því við eigum þessa öld.